Volejbolli shqiptar për meshkuj ka mbyllur sot fazën e parë të kampionatit. Kjo javë konfirmoi ekipin e Erzenit në krye të renditjes, që e mbyll si “kampion i dimrit”.
Shijakasit fituan sot 3-0 ndaj Vllaznisë, një përballje mes dy ekipesh rivale për titull, por vendasit patën epërsi dhe e merituan fitoren.
Në vendin e dytë ndodhet Tirana, që sot triumfoi 3-0 ndaj Studentit në derbin kryeqytetas. Në fakt, pritej një përballje më e forte, por bardheblutë patën epërsi gjatë gjithë kohës, duke i fituar setet me diferenca.
Fiton edhe Partizani kampion, që mundi 3-1 Farka Volley, duke marrë tri pikë të arta. Ndërsa Skënderbeu rikthehet te suksesi, duke mundur 3-0 Teutën e vendit të fundit.
VOLEJBOLL MESHKUJ, JAVA E 9-TË (23 NËNTOR)
Tirana – Studenti 3-0 (25-16, 25-12, 25-14)
Skënderbeu – Teuta 3-0 (25-17, 25-12, 25-11)
Farka Volley – Partizani 1-3 (23-25, 25-18, 19-25, 15-25)
Erzeni – Vllaznia 3-0 (25-20, 25-21, 25-19)
Add comment
Comments