Tirana në volejboll për meshkuj për trio me trofe. Pas Kupës së Federatës Shqiptare të Volejbollit, Kupës së Pavarësisë, tanimë vjen dhe Liga “Gjergj Kastrioti” për të besuarit e Arben Sakos në një fitore të pastër 3-0. Madje është hera e dytë që Tirana triumfon në një finale me Erzenin, ndërsa po 3-0 e pat mundur dhe në Prishtinë nëntorin e kaluar në Kupën e Pavarësisë.

Skënderbeu është fitues i edicionit të parë i ligës “Gjergj Kastrioti” kompeticion i përbashkët mes Shqipërisë dhe Kosovës në volejboll për femra. Vajzat korçare mposhtën në finale Tiranën 3-1 me sete, në ndeshjen e zhvilluar në “Feti Borova”. Në setin e parë, vajzat bardheblu e nisën mirë duke fituar me rezultatin 20-25, por më pas ekipi korçar përmbysi gjithçka në 3 setet e radhës.

Ekipet shqiptare për meshkuj dhe femra dominuan këtë edicion të parë të Ligës “Gjergj Kastrioti” në volejboll, turneu që bashkon ekipet nga Shqipëria e Kosova. Në të dyja kategoritë, në finale dolën ekipet shqiptare, që fituan me meritë përballjet me rivalet nga Kosova.

Edicioni i parë, që do të zhvillohet në periudhën shkurt-mars të këtij viti, do të jetë në një format të reduktuar. Më pas, ky turne do të kthehet në një kampionat të rregullt, me pjesëmarrjen e një numri të madh ekipesh në të dyja kategoritë.